Chinese restaurant review: Flame

由於各位對我咁耐都未幫襯過呢到既中國餐館感到十分驚訝，今日 lunch 忽然諗起，於是去了幫襯一間叫 "flame (焰)" 的，自助餐，每位五鎊 (只限 weekday lunch，weekend 要九鎊)。

這間餐館位於市中心，裝修很 "in"，紫色燈光(!)，外表横看豎看都不像中國餐館。

先說小食，除了那些蝦片沒有蝦味，與及春卷很蚊形(當然唔脆)外，大致上都OK的。

至於熱盤，有十多款普通過唔普通的，例如炒西蘭花，甜酸雞之類，部份菜式有點怪味，但大致上唔算難食。

這裡還有點心和壽司。點心共三款，分別貌似牛肉，燒賣與餃子，不論外表與味道都是公仔點心那個水平。壽司也無謂多說了。(五鎊你想有乜你食?)

最後是甜品，那西米露很啱我胃口，而諷刺地，全店最好食的似乎是那個西式的 cake。

總的來說，味道過得去，五鎊任你食，食乜都抵啦，算係唔錯。如果九鎊就可免則免了。